ಬಳ್ಳಾರಿಯಲ್ಲಿ ಮಾರಕಾಸ್ತ್ರ ತಂಡ:ಚಿತ್ರದ ಹಾಡು ಬಿಡುಗಡೆ

ಬಳ್ಳಾರಿ:ಮಾಲಾಶ್ರೀ ಪ್ರಮುಖ ಭೂಮಿಕೆಯಲ್ಲಿ ನಟಿಸಿದ ಮಾರಕಾಸ್ತ್ರ ತಂಡ ಶನಿವಾರ ನಗರದಲ್ಲಿ ಚಿತ್ರದ ಪ್ರಚಾರದ ಭಾಗವಾಗಿ ಬಳ್ಳಾರಿಯಲ್ಲಿ ಹಾಡೊಂದನ್ನು ಬಿಡುಗಡೆ ಮಾಡಿತು.

ನಿರ್ದೇಶಕ ಗುರುಮೂರ್ತಿ ಸುನಾಮಿ, ನಿರ್ಮಾಪಕ ನಟರಾದ ರವಿ ಚೇತನ್, ಭರತ್ ಸಿಂಗ್, ಶಶಿಧರ್ ಗೌಡ, ಗಾಯಕ, ನಟ ಡಾ. ನಟರಾಜ್, ಜೂನಿಯರ್ ಅಪ್ಪು, ಆನಂದ ಅರ್ಯ, ಮಂಜುನಾಥ್ ಸಮ್ಮುಖದಲ್ಲಿ ಹಾಡನ್ನು ಬಿಡುಗಡೆ ಮಾಡಲಾಯಿತು.

ನಟ ಭರತ್ ಸಿಂಗ್ ಮಾತನಾಡಿ, 1.8 ಕೋಟಿ ರೂಪಾಯಿಗೆ ಹಿಂದಿ ಡಬ್ಬಿಂಗ್ ಹಕ್ಕು ಮಾರಾಟ ಆಗಿದೆ ಎಂದರು.

ಚಿತ್ರದ ನಿರ್ದೇಶಕ ಬಳ್ಳಾರಿ ದರೋಜಿ ಗ್ರಾಮದ ಗುರುಮೂರ್ತಿ ಸುನಾಮಿ ಮಾತನಾಡಿ,7 ಕೋಟಿ ರೂಪಾಯಿ ವೆಚ್ಚದಲ್ಲಿ ಚಿತ್ರ ನಿರ್ಮಾಣ ಮಾಡಲಾಗಿದೆ. ಚಿತ್ರದ ಅರ್ಧ ಭಾಗ ಬಳ್ಳಾರಿಯಲ್ಲಿ ಶೂಟಿಂಗ್ ಮಾಡಲಾಗಿದೆ. ಉಳಿದ ಭಾಗವನ್ನು ಬೆಂಗಳೂರು ಸೇರಿದಂತೆ ವಿವಿಧೆಡೆ ಶೂಟ್ ಮಾಡಲಾಗಿದೆ. ಕನ್ನಡ, ತೆಲುಗು, ತಮಿಳು ಭಾಷೆಯಲ್ಲಿ ಶೂಟ್ ಮಾಡಲಾಗಿದೆ ಎಂದರು

ಸುಂದರವಾದ ಸಸ್ಪೆನ್ಸ್, ತ್ರಿಲ್ಲರ್, ಕೌಟುಂಬಿಕ ಚಿತ್ರ. ಆಂಧ್ರದಲ್ಲಿ ನಡೆದ ಜೈನ ಘಟನೆ ಆಧಾರಿತ ಚಿತ್ರ ಆಗಿದೆ ಎಂದು ಅವರು ತಿಳಿಸಿದರು.