ಬಿಜೆಪಿ ನೂತನ ರಾಜ್ಯಾಧ್ಯಕ್ಷರ ಆಯ್ಕೆ : ಕಾರ್ಯಕರ್ತರ ಸಂಭ್ರಮಾಚರಣೆ

ಮಸ್ಕಿ : ಪಟ್ಟಣದ ದೈವದ ಕಟ್ಟೆಯ ಬಳಿ ಬಿ. ವೈ. ವಿಜಯೇಂದ್ರ ರವರು ನೂತನವಾಗಿ ಬಿಜೆಪಿ ರಾಜ್ಯಾಧ್ಯಕ್ಷರಾಗಿ ಆಯ್ಕೆಯಾದ ಸಂಭ್ರಮವನ್ನು ಕಾರ್ಯಕರ್ತರು ಪಟಾಕಿ ಸಿಡಿಸಿ ಸಂಭ್ರಮಿಸಿದರು.

ಶುಕ್ರವಾರ ರಾತ್ರಿ ಮಸ್ಕಿಯ ದೈವದ ಕಟ್ಟೆ ಬಳಿ ಭಾರತೀಯ ಜನತಾ ಪಾರ್ಟಿ ಮಂಡಲ ವತಿಯಿಂದ ನೂತನವಾಗಿ ಕರ್ನಾಟಕ ಬಿಜೆಪಿ ರಾಜ್ಯಾಧ್ಯಕ್ಷರಾಗಿ ನೇಮಕಗೊಂಡ ಶಿಕಾರಿಪುರ ವಿಧಾನಸಭಾ ಕ್ಷೇತ್ರದ ಶಾಸಕರಾದ ಶ್ರೀ ಬಿ. ವೈ. ವಿಜಯೇಂದ್ರ ಅವರಿಗೆ ಅಭಿನಂದನೆ ಸಲ್ಲಿಸಿ ಪಟಾಕಿ ಸಿಡಿಸಿ ಪರಸ್ಪರ ಸಿಹಿ ಹಂಚಿ ಸಂಭ್ರಮಿಸಲಾಯಿತು.

ಇದೇ ಸಂದರ್ಭದಲ್ಲಿ ಮಸ್ಕಿಯ ಭಾರತೀಯ ಜನತಾ ಪಾರ್ಟಿಯ ಮುಖಂಡರು ಪ್ರಸನ್ನಾ ಪಾಟೀಲ್, ಪಂಪಣ್ಣ ಗುಂಡಳ್ಳಿ, ಬಿಜೆಪಿಯ ಮಂಡಲ ಪ್ರಧಾನ ಕಾರ್ಯದರ್ಶಿಗಳಾದ ಶರಣಬಸವ ಸೊಪ್ಪಿಮಠ, ಪುರಸಭೆಯ ಸದಸ್ಯರುಗಳಾದ ಸುರೇಶ್ ಹರಸೂರು, ಚೇತನ್ ಪಾಟೀಲ್, ಮಲ್ಲಿಕಾರ್ಜುನ್ ಬ್ಯಾಳಿ,ಮೌನೇಶ್ ಮುರಾರಿ, ರಮೇಶ್ ಗುಡಿಸಲಿ, ಬಿಜೆಪಿ ಕಾರ್ಯಕರ್ತರಾದ ಸೂಗಣ್ಣ ಬಾಳೆಕಾಯಿ, ನಾಗರಾಜ್ ಯoಬಲದ, ಜಿ ವೆಂಕಟೇಶ್ ನಾಯಕ್, ಡಾಕ್ಟರ್ ಸಂತೋಷ್, ಮಂಜುನಾಥ್ ಮಾಟೂರು, ಬಸವರಾಜ ಬುಕ್ಕಣ್ಣ, ಮಲ್ಲಿಕಾರ್ಜುನ್ ಬೈಲು ಗುಡ್ಡ, ಅಮರಯ್ಯ ಸ್ವಾಮಿ ತೋರಣದಿನ್ನಿ, ಆದನಗೌಡ,ಆನಂದ್ ಬಾಳೆಕಾಯಿ, ವೀರೇಶ್ ಸೌಂಡ್, ಸುರೇಶ್ ಬಾಳೆಕಾಯಿ ಸೇರಿದಂತೆ ಎಲ್ಲಾ ಬಿ. ವೈ. ವಿಜಯೇಂದ್ರ ಅಭಿಮಾನಿ ಕಾರ್ಯಕರ್ತರು ಇದ್ದರು.