ಶಂಕರ್ ನಾಗ್ ರವರ 69ನೇ ಹುಟ್ಟು ಹಬ್ಬ ಆಚರಣೆ

ಮಸ್ಕಿ : ಪಟ್ಟಣದ ಶಂಕರ್ ನಾಗ್ ಆಟೋ ಚಾಲಕರ ಸಂಘದ ವತಿಯಿಂದ ಸ್ಯಾಂಡಲ್ ವುಡ್ ಚಿತ್ರನಟ ಶಂಕರ್ ನಾಗ್ ರವರ 69 ನೇ ವರ್ಷದ ಹುಟ್ಟು ಹಬ್ಬವನ್ನು ಸಂಭ್ರಮದಿಂದ ಆಚರಿಸಲಾಯಿತು.

ಶಂಕರ್ ನಾಗ್ ಆಟೋ ಚಾಲಕರ ಸಂಘದ ವತಿಯಿಂದ ಪಟ್ಟಣದ ವಿವಿಧ ಗಣ್ಯರ ವೃತ್ತಗಳಿಗೆ ಮಾಲಾರ್ಪಣೆ ಮಾಡಿ ನಂತರ ಶಂಕರ್ ನಾಗ್ ರವರ ಫೋಟೊ ಇಟ್ಟು ಕೊಂಡು ತಮ್ಮ ತಮ್ಮ ಆಟೋದಲ್ಲಿ ಮೆರವಣಿಗೆಯಲ್ಲಿ ಚಲಿಸುತ್ತಾ ಎಲ್ಲಾ ಆಟೋಗಳು ಒಂದರ ಹಿಂದೆ ಒಂದರಂತೆ ಸಾಲಾಗಿ ಬರುವುದು ನೋಡುಗರ ಗಮನ ಸೆಳೆಯಿತು. ಮೆರವಣಿಗೆಯು ಸಾಗುತ್ತಾ ನೇರವಾಗಿ ಸಂಘದ ವೃತ್ತಕ್ಕೆ ಬಂದು ಶಂಕರ್ ನಾಗ್ ರವರ ಫೋಟೋ ಇಟ್ಟು ಹೂಮಾಲೆ ಹಾಕಿ ಕಾಯಿ ಕರ್ಪೂರ ಹೊಡೆದು ಪೂಜೆ ಸಲ್ಲಿಸಿ ಸ್ಯಾಂಡಲ್ ವುಡ್ ನ ನಟರೊಬ್ಬರ 69 ನೇ ವರ್ಷದ ಹುಟ್ಟು ಹಬ್ಬವನ್ನು ಸಂಭ್ರಮದಿಂದ ವಿಶೇಷವಾಗಿ ಆಚರಣೆ ಮಾಡಲಾಯಿತು.

ಇದೇ ಸಂದರ್ಭದಲ್ಲಿ ಆಟೋ ಚಾಲಕರ ಸಂಘದ ಅಧ್ಯಕ್ಷರಾದ ಸಿದ್ದು ಮುರಾರಿ,ಉಪಾಧ್ಯಕ್ಷರಾದ ಫೀರ್ ಸಾಬ್ ಶೇಡ್ಮಿ,ಶಿವು, ಬಂದೇ ನವಾಜ್,ವೀರೇಶ್, ಮಂಜು, ಸಂಗು, ಹುಸೇನಿ, ದೇವರಾಜ್, ಅಜ್ಮೀರ್, ಸೀನು, ಉಮೇಶ್, ಮುಕ್ಬುಲ್ ಸೇರಿದಂತೆ ಶಂಕರ್ ನಾಗ್ ಆಟೋ ಚಾಲಕರ ಸಂಘದ ಪದಾಧಿಕಾರಿಗಳು ಇದ್ದರು.