ಸುಮಂಗಲಯರಿಗೆ ಬಾಗಿನ ಸಮರ್ಪಣೆ ಕಾರ್ಯಕ್ರಮ

ಕೊಟ್ಟೂರು:  ಪಟ್ಟಣದ ಸಿರಿ ಮಠದ ಓಣಿಯಲ್ಲಿರುವ ಚೌಡಮ್ಮ ದೇವಿ ಹಾಗೂ ಸಾಯಿಬಾಬಾ ದೇವಸ್ಥಾನದಲ್ಲಿ 23ನೇ ವರ್ಷದ ಶರನ್ನವ ರಾತ್ರಿ ಪೂಜಾ ಪಾರಾಯಣ ಹಾಗೂ ಸುಮಂಗಲಯರಿಗೆ ಬಾಗಿನ ಸಮರ್ಪಣ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ ಎಂದು ಚೌಡೇಶ್ವರಿ ದೇವಿಯ ಆರಾಧಕಿ ಎ ಎಂ ರುದ್ರಮ್ಮ (ಮಂಗಳ ಮುಖಿ) ತಿಳಿಸಿದರು. 

ಈ ಕಾರ್ಯಕ್ರಮವು ಇಂದು ಬೆಳಗ್ಗೆ 9 ಗಂಟೆಗೆ ತೇರು ಬಯಲು ಬಸವೇಶ್ವರ ದೇವಸ್ಥಾನದಿಂದ ಆರಂಭವಾಗಿ ಸಕಲ ಮಂಗಳ ವಾದ್ಯಗಳೊಂದಿಗೆ ಶ್ರೀ ಗುರು ಕೊಟ್ಟೂರೇಶ್ವರ ದೇವಸ್ಥಾನದ ಮುಂಭಾಗದಲ್ಲಿ 225 ಸುಮಂಗಲಿಯರಿಗೆ ಬಾಗಿನ ಸಮರ್ಪಣೆ ಕಾರ್ಯಕ್ರಮವು ಇದರ ನೇತೃತ್ವವನ್ನು ಚೌಡೇಶ್ವರಿ ದೇವಿಯ ಆರಾಧಿಕಿ ಎ ಎಂ ರುದ್ರಮ್ಮ (ಮಂಗಳ ಮುಖಿ) ನಡೆಸಲಿದ್ದಾರೆ. 

ಈ ಬಾಗಿನ ಸಮರ್ಪಣಾ ಕಾರ್ಯಕ್ರಮಕ್ಕೆ ಪದ್ಮ ಸ್ತ್ರೀ ಪುರಸ್ಕೃತ ಮಂಜಮ್ಮ ಜೋಗತಿ ಆಗಮಿಸಲಿದ್ದಾರೆ ಹಾಗೂ ಕಾರ್ಯಕ್ರಮದ ದಿವ್ಯ ಸಾನಿಧ್ಯವನ್ನು ಡೋಣೂರು ಚಾನುಕೋಟಿ ಮಠದ ಡಾ. ಸಿದ್ದಲಿಂಗ ಶಿವಾಚಾರ್ಯ ಸ್ವಾಮೀಜಿಗಳು ವಹಿಸಲಿದ್ದಾರೆ. ಮಹಲ್ ಮಠದ ಶ್ರೀ ಶಂಕರ ಸ್ವಾಮಿಗಳು, ಬೆಣ್ಣೆ ಹಳ್ಳಿ ಹಿರೇಮಠದ ಪಂಚಾಕ್ಷರಿ ಶಿವಾಚಾರ ಮಹಾ ಸ್ವಾಮಿಗಳು, ಜಿಲ್ಲಾ ಪಂಚಾಯಿತಿ ಮಾಜಿ  ಸದಸ್ಯರಾದ ಎಂ ಎಂ ಜಿ ಹರ್ಷವರ್ಧನ್, ಊರಿನ ಮುಖಂಡರಾದ ಸುಧಾಕರ್ ಪಾಟೀಲ್ ಆಗಮಿಸಲಿದ್ದಾರೆ ಈ ಕಾರ್ಯಕ್ರಮ ಬರುವ ಭಕ್ತಾದಿಗಳಿಗೆ ಪ್ರಸಾದ ವ್ಯವಸ್ಥೆಯನ್ನು ಸಿರಿ ಮಠದಲ್ಲಿ ವ್ಯವಸ್ಥೆ ಮಾಡಲಾಗಿದೆ ಎಂದು ತಿಳಿಸಿದರು.