ಚನ್ನಮಲ್ಲ ಶ್ರೀಗಳ ಮಠದಲ್ಲಿ ಪುರಾಣ ಪ್ರವಚನ ಕಾರ್ಯಕ್ರಮ

ಮಸ್ಕಿ: ತಾಲೂಕಿನ ಮೆದಿಕಿನಾಳ ಗ್ರಾಮದ ಶ್ರೀ ಶ್ರೀ ಶ್ರೀ ಚನ್ನಮಲ್ಲ ಮಹಾ ಸ್ವಾಮೀಜಿಗಳ ಜಾತ್ರಾ ಮಹೋತ್ಸವದ ಅಂಗವಾಗಿ ಮಠದಲ್ಲಿ ಎರಡನೇ ದಿನದ ಪುರಾಣ ಪ್ರವಚನ ಕಾರ್ಯಕ್ರಮ ಜರಗಿತು.

ಸೋಮವಾರ ಬೆಳಗ್ಗೆ ನೂತನ ರಥದ ಕಲ್ಲಿನ ಗಾಲಿಗಳನ್ನು ಟ್ರಾಕ್ಟರ್ ನಲ್ಲಿ ಹೊತ್ತು ಕಳಸ ಹೊತ್ತ ಮಹಿಳೆಯರು ಹಾಗೂ ವಾದ್ಯಗಳೊಂದಿಗೆ ಭಕ್ತ ಸಮೂಹ ಸಂಭ್ರಮ ಸಡಗರದಿಂದ ಮೆರವಣಿಗೆ ಮೂಲಕ ಬರಮಾಡಿಕೊಂಡರು.

 ಸಾಯಂಕಾಲ 6 ಗಂಟೆ ಯಿಂದ ಆರಂಭವಾಗುವ ಪುರಾಣ ಪ್ರವಚನ ಕಾರ್ಯಕ್ರಮವನ್ನು ಪ್ರವಚನಕಾರರು ಹಾಗೂ ತಬಲ, ಸಂಗೀತಾ ಪೆಟ್ಟಿಗೆ ವಾದ್ಯಕರಿಂದ ನೆರೆದ ಗ್ರಾಮದ ಜನತೆಯ ಮನ ಮುಟ್ಟುವ ಬಗೆಯಲ್ಲಿ ಅರ್ಥಗರ್ಭಿತವಾಗಿ ನೆರವೇರಿಸಿಕೊಟ್ಟರು. 

ನಂತರ ಮೊದಲಿಗೆ ಶ್ರೀಗಳ ಪಾದ ಪೂಜೆ ಮಾಡಿ ಮೊದಲನೇ ತುಲಭಾರ ಸೇವೆ ಬಸವರಾಜ್ ತಂದೆ ಈರಣ್ಣ ಸುಂಕದ ಕುಟುಂಬದವರು ಎರಡನೇ ತುಲಭಾರ ಸೇವೆ ಬಸವರಾಜ್ ತಂದೆ ಸಂಗಪ್ಪ ಬೊಮ್ಮನಾಳ( ಅಂಗಡಿ) ಇವರ ಕುಟುಂಬದವರು ಭಕ್ತಿಯಿಂದ ನೆರವೇರಿಸಿದರು.

ನಂತರ ಸರ್ವ ಭಕ್ತರು ಡಾಕ್ಟರ ಶ್ರೀ ಶ್ರೀ ಶ್ರೀ ಚನ್ನಮಲ್ಲ ಸ್ವಾಮೀಜಿ ರವರ ಪಾದಕ್ಕೆ ನಮಸ್ಕರಿಸಿ ಆಶೀರ್ವಾದ ಪಡೆದುಕೊಂಡು ಅಂದಿನ ಪ್ರಸಾದ ಸ್ವೀಕರಿಸಿದರು.

ಮಂಗಳವಾರ ಕಾರ್ಯಕ್ರಮವು ತೊಟ್ಟಿಲ ಕಾರ್ಯಕ್ರಮ ಇರುತ್ತದೆ ಎಂದು ಪ್ರವಚನಕಾರರು ತಿಳಿಸಿದರು.ಮಂಗಳವಾರದ ದಾಸೋಹ ಸೇವೆಯನ್ನು ಶಿವಪ್ಪ ತೆಲಗರ್, ಉಮೇಶ್ ಕೆಇಬಿ ಕಲಮಂಗಿ, ದುರುಗನ ಗೌಡ ಪೋಲಿಸ್ ಪಾಟೀಲ್ ಮಾಡುವರು.

ಇದೇ ಸಂದರ್ಭದಲ್ಲಿ ವೇದಿಕೆಯ ಕಾರ್ಯಕ್ರಮದಲ್ಲಿ ಪುರಾಣ ಪ್ರವಚನಕಾರರು,ತಬಲಾ ಗವಾಯಿಗಳ ತಂಡ ಸೇರಿದಂತೆ ಗ್ರಾಮದ ಸರ್ವ ಭಕ್ತ ಸಮೂಹದವರು ಇದ್ದರು.