ಸಂಗಣ್ಣ ಆತ್ಮ ವಿಮರ್ಶೆ ಮಾಡಿಕೊಳ್ಳಲಿ

ವರದಿ - ಮಹಾಂತೇಶ್ ಕೆ ಕೊಪ್ಪಳ 

ಕೊಪ್ಪಳ : - ನಮ್ಮ ಪಕ್ಷ ಸಂಗಣ್ಣ ಕರಡಿ ಅವರಿಗೆ ಎಲ್ಲಾ ಅವಕಾಶ ಕೊಟ್ಟಿದ್ದರು ಅವರು ಕಾಂಗ್ರೆಸ್ ಸೇರಿದ್ದಾರೆ . ಅಲ್ಲಿಯೂ ಅವರು ಅಸಹಾಯಕರಾಗಿದ್ದು ಕೆಲವು ದಿನಗಳಲ್ಲಿ ಬ್ರಮನಿರಸನಕ್ಕೆ ಒಳಗಾಗಲಿದ್ದಾರೆ ಎಂದು ಬಿಜೆಪಿ ಮುಖಂಡ ಸಿಟಿ ರವಿ ಹೇಳಿದರು. ನಗರದ ಜಿಲ್ಲಾ ಬಿಜೆಪಿ ಪಕ್ಷದ ಕಚೇರಿಯಲ್ಲಿ ಬುಧವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು ಸಂಗಣ್ಣ ಆತ್ಮವಲೋಕನ ಮಾಡಿಕೊಳ್ಳಲಿ ಕಾಂಗ್ರೆಸ್ ಪಕ್ಷದಲ್ಲಿ ಗೌರವ ಕಳೆದುಕೊಳ್ಳುತ್ತಿದ್ದಾರೆ , ಅಭಿವೃದ್ಧಿ ಕಾರ್ಯಗಳ ಯೋಜನೆಗಳನ್ನು ನರೇಂದ್ರ ಮೋದಿ ಹಾಗೂ ಬಿಜೆಪಿ ಪಕ್ಷ ಎನ್ನುವ ದೇವರು ನೀಡಿದ್ದು ಸಂಗಣ್ಣ ಪೂಜಾರಿ ಎನ್ನುವುದು ಮಾತ್ರ ನನ್ನ ಹೇಳಿಕೆಗೆ ಈಗಲೂ ಬದ್ಧ ಎಂದು ಪುನರುಚ್ಚರಿಸಿದರು. ಪ್ರಧಾನಿ ನರೇಂದ್ರ ಮೋದಿ ಅವರ ಮಾಯೆಯಿಂದಲೇ ಕರಡಿ ಸಂಗಣ್ಣನವರು ಎರಡು ಬಾರಿ ಸಂಸದರಾಗಿದ್ದರು ಇಲ್ಲವಾದರೆ 2013ರ ವಿಧಾನಸಭಾ ಚುನಾವಣೆಯಲ್ಲಿ ಸೋಲು ಕಂಡಾಗಲೆ ಅವರ ರಾಜಕೀಯ ಬದುಕು ಕೊನೆಗೊಳ್ಳುತ್ತಿತ್ತು ಎಂದರು. ಪ್ರಜ್ವಲ್ ರೇವಣ್ಣ ಮಹಿಳೆಯರ ಮೇಲಿನ ಲೈಂಗಿಕ ದೌರ್ಜನ್ಯಗಳ ಕುರಿತು ಬಿಜೆಪಿ ನಿಲುವು ಏನು ಎನ್ನುವ ಪ್ರಶ್ನೆಗೆ ನಮ್ಮ ಪಕ್ಷ ಯಾವಾಗಲೂ ಮಾತೃಶಕ್ತಿಯ ಜೊತೆ ನಿಲ್ಲಲಿದೆ. ಪ್ರಜ್ವಲ್ ಏನ್ ಡಿ ಎ ಅಭ್ಯರ್ಥಿಯಾದ ಬಳಿಕ ನಡೆದ ಘಟನೆ ಇದಲ್ಲ , ತನಿಖಾ ತಂಡ ನಿಷ್ಪಕ್ಷಪಾತ ತನಿಖೆ ನಡೆಸಲಿ. ಪ್ರಜ್ವಲ್ ತಪ್ಪು ಮಾಡಿದ್ದರೆ ಶೇಕಡ ಒಂದರಷ್ಟು ಕೂಡ ಕ್ಷಮೆಗೆ ಅಹ೯ನಲ್ಲ ಎಂದು ಹೇಳಿದರು. ರಾಜ್ಯ ಸರ್ಕಾರದ ಗ್ಯಾರಂಟಿ ಯೋಜನೆಗಳ ಬಗ್ಗೆ ಪ್ರಸ್ತಾಪಿಸಿದ ಸಿಟಿ ರವಿ ಜನರಿಗೆ ಕೊಟ್ಟ ಭರವಸೆ ಸರ್ಕಾರ ಈಡೇರಿಸಲೇಬೇಕು, ಕಾಂಗ್ರೆಸ್ ನಲ್ಲಿರುವ ನಾಯಕರು ತಮ್ಮ ಆಸ್ತಿ ಮಾರಾಟ ಮಾಡಿಯಾದರೂ ಯೋಜನೆ ಮುಂದುವರಿಸಲೇಬೇಕು . ಆದರೆ ರಾಜ್ಯವನ್ನು ಮಾತ್ರ ಮಾರಾಟ ಮಾಡದಿರಲಿ ಎಂದು ಹೇಳಿದರು . ಮಾಜಿ ಸಚಿವ ಬೆಳ್ಳುಬ್ಬಿ ಮಾತನಾಡಿ ಬಿಜೆಪಿ ಎಲ್ಲಾ ಅವಕಾಶ ಕೊಟ್ಟರು ಸಂಗಣ್ಣ ಕರಡಿ ಪಕ್ಷ ಬಿಟ್ಟು ಹೋಗಿದ್ದಕ್ಕೆ ಆತ್ಮ ವಿಮರ್ಶೆ ಮಾಡಿಕೊಳ್ಳಲಿ ಉಂಡಮನೆಗೆ ಇಳಿ ವಯಸ್ಸಿನಲ್ಲಿ ದ್ರೋಹ ಮಾಡಬಾರದಾಗಿತ್ತು ಎಂದು ಹೇಳಿದರು. ವಿರೋಧ ಪಕ್ಷದ ಮುಖ್ಯ ಸಂಚಾತಕ ದೊಡ್ಡನಗೌಡ ಪಾಟೀಲ , ಜಿಲ್ಲಾಧ್ಯಕ್ಷ ನವೀನ್ ಗುಳಗನ್ನವರ್, ವಿಧಾನಪರಿಷತ್ ಸದಸ್ಯ ಹೇಮಲತಾ ನಾಯಕ್, ವಿಭಾಗ ಸಹ ಪ್ರಭಾರ ಚಂದ್ರಶೇಖರ್ ಪಾಟೀಲ್ ಹಲಗೇರಿ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಹೆಸರುರೂ ,ವಕ್ತಾರ ಮಹೇಶ್ ಹಾದಿಮನಿ , ಸಹ - ವಕ್ತಾರ ಪ್ರಸಾದ್ ಗಾಳಿ ಪಾಲ್ಗೊಂಡಿದ್ದರು.