ಸಮಯಕ್ಕೆ ಬಸ್ ವ್ಯವಸ್ಥೆ ಕಲ್ಪಿಸುವವಂತೆ ವಿದ್ಯಾರ್ಥಿ ಗಳಿಂದ ಮನವಿ

 

ಮಸ್ಕಿ : ತಾಲೂಕಿನ ಮಸ್ಕಿ-ಬಳಗಾನೂರು ಮಾರ್ಗದ ಕೆಲ  ಗ್ರಾಮದ ವಿದ್ಯಾರ್ಥಿಗಳು ತಮ್ಮ ಶಾಲಾ ಕಾಲೇಜು ಗಳಿಗೆ ಸರಿಯಾದ ಸಮಯಕ್ಕೆ ತೆರಳಲು ಬಸ್ ವ್ಯವಸ್ಥೆ  ಇಲ್ಲದ ಕಾರಣ ಬಸ್ಸಿನ ಸಂಚಾರ ಕಲ್ಪಿಸಲು ವಿದ್ಯಾರ್ಥಿಗಳ ಸಮ್ಮುಖದಲ್ಲಿ ಕಲ್ಯಾಣ ಕರ್ನಾಟಕ ರಸ್ತೆ ಸಾರಿಗೆ  ಘಟಕ ಮಸ್ಕಿ ವ್ಯವಸ್ಥಾಪಕರಿಗೆ ಮನವಿ ಪತ್ರವನ್ನು ಸಲ್ಲಿಸಿದರು.

ಪಟ್ಟಣದ ಲಿಂಗಸ್ಗೂರು ರಸ್ತೆಯಲ್ಲಿನ ಬಸ್ ಡಿಪೋ ಘಟಕದ ಕಚೇರಿಯಲ್ಲಿ ಮಸ್ಕಿ-ಬಳಗಾನೂರು ಮಾರ್ಗದ ಕೆಲ  ಗ್ರಾಮಗಳಾದ ಹಿರೇ ಕಡಬೂರು,ಚಿಕ್ಕ ಕಡಬೂರು, ಕ್ಯಾತ್ನಟ್ಟಿ, ಸುಂಕನೂರು ಗ್ರಾಮದ ವಿದ್ಯಾರ್ಥಿಗಳು ತಮ್ಮ ಗ್ರಾಮದಿಂದ ದೂರದ   ಮಸ್ಕಿ ಹಾಗೂ ಸಿಂಧನೂರು, ಲಿಂಗಸ್ಗೂರಿನ ಶಾಲಾ -  ಕಾಲೇಜು ಗಳಿಗೆ ಸರಿಯಾದ ಸಮಯಕ್ಕೆ ತೆರಳಲು ಒಂದು ವಾರದಿಂದ ಬಸ್ ವ್ಯವಸ್ಥೆ  ಇಲ್ಲದ ಕಾರಣ ಬಸ್ಸಿನ ವ್ಯವಸ್ಥೆ ಕಲ್ಪಿಸಲು ವಿದ್ಯಾರ್ಥಿಗಳ ಸಮ್ಮುಖದಲ್ಲಿ  ಕಲ್ಯಾಣ ಕರ್ನಾಟಕ ರಸ್ತೆ ಸಾರಿಗೆ  ಘಟಕ ಮಸ್ಕಿ ವ್ಯವಸ್ಥಾಪಕರಿಗೆ ಮನವಿ ಪತ್ರವನ್ನು ಸಲ್ಲಿಸಿದರು.

ಇದೇ ಸಂದರ್ಭದಲ್ಲಿ ವಿದ್ಯಾರ್ಥಿಗಳಾದ ಭಾರತಿ, ಅಮೃತಾ, ಜ್ಯೋತಿ,ಮೌನೇಶ್ ಬಡಿಗೇರ್,ಮರಿಸ್ವಾಮಿ ಮುದಬಾಳ ಜಿಲ್ಲಾ ಅಸಂಘಟಿತ ಕಾರ್ಮಿಕ ಸಂಚಾಲಕರೂ ರಾಯಚೂರು, ಶಾಂತಪ್ಪ ಖೈರವಾಡಗಿ, ಸುಭಾಷ್ ಹಿರೇಮನಿ,  ಕುಮಾರ್ ಹಿರೇಮನಿ, ಹಾಗೂ ಶಾಲಾ ಮತ್ತು ಕಾಲೇಜು ವಿದ್ಯಾರ್ಥಿಗಳು ಸೇರಿದಂತೆ ಇನ್ನಿತರರು ಉಪಸ್ಥಿತರಿದ್ದರು.