ಮಸ್ಕಿ : ಕ್ರಮ ಜರುಗಿಸದೇ ಹೋದರೆ ಧರಣಿ ನಡೆಸಲಾಗುವುದು ಎಚ್ಚರಿಕೆ
ಇಲ್ಲಿನ ಪುರಸಭೆ ವ್ಯಾಪ್ತಿಯ ಆಸ್ತಿ ಸಂಖ್ಯೆ: 3-1-98 ಈ ಆಸ್ತಿಯ ಬಗ್ಗೆ ಕ್ರಮ ಕೈಗೊಳ್ಳಲು 24-09-2024 ರಂದು ಮಾನ್ಯ ತಹಶೀಲ್ದಾರರು, ಮುಖ್ಯಾಧಿಕಾರಿಗಳಿಗೆ ಪತ್ರದ ಮುಖೇನ ಕ್ರಮ ಕೈಗೊಳ್ಳಲು ತಿಳಿಸಿರುತ್ತಾರೆ. ಅದೇ ರೀತಿ 19-09-2024 ರಂದು ಮಸ್ಕಿ ಪುರಸಭೆ ಮುಖ್ಯಾಧಿಕಾರಿಗಳಿಗೆ ನಿಯಮಾನುಸಾರ ಕ್ರಮ ಕೈಗೊಳ್ಳಲು ಮಾನ್ಯ ಸಹಾಯಕ ಆಯುಕ್ತರು, ಲಿಂಗಸುಗೂರು ತಿಳಿಸಿರುತ್ತಾರೆ. ಮಾನ್ಯ ಸಹಾಯಕ ಆಯುಕ್ತರು ಲಿಂಗಸುಗೂರು ಇವರು 19-12-2024 ರಂದು ಪುನಃ ಕೈಗೊಂಡ ಕ್ರಮದ ಬಗ್ಗೆ ಮಾಹಿತಿ ನೀಡಲು ಮಸ್ಕಿ ಪುರಸಭೆ ಮುಖ್ಯಾಧಿಕಾರಿಗಳಿಗೆ ಪತ್ರದ ಮುಖೇನ ತಿಳಿಸಿರುತ್ತಾರೆ. ಅದೇ ರೀತಿಯಾಗಿ ಯೋಜನಾ ನಿರ್ದೇಶಕರು, ಜಿಲ್ಲಾ ನಗರಾಭಿವೃದ್ಧಿ ಕೋಶ, ರಾಯಚೂರು ಇವರು ಈ ಆಸ್ತಿ ಬಗ್ಗೆ 05-12-2024 ರಂದು ಈ ಆಸ್ತಿಯ ಬಗ್ಗೆ ಕ್ರಮ ತೆಗೆದುಕೊಂಡು ಈ ಕಚೇರಿಗೆ ವರದಿಯನ್ನು ಸಲ್ಲಿಸಲು ತಿಳಿಸಿದ್ದು ಒಂದು ವೇಳೆ ಕ್ರಮ ಕೈಗೊಂಡ ವರದಿ ಸಲ್ಲಿಸದಿದ್ದರೆ, ತಮ್ಮನ್ನೇ ನೇರ ಹೊಣೆಗಾರರನ್ನಾಗಿ ಮಾಡಲಾಗುವುದು. ಈ ಮೇಲೆ ತಿಳಿಸಿದ ಎಲ್ಲಾ ಅಧಿಕಾರಿಗಳು ಆದೇಶ ಮಾಡಿದ ನಂತರ ನಿಮ್ಮ ಪುರಸಭೆಯಿಂದ ಕಾನೂನು ಪ್ರಕಾರ ಅವರಿಗೆ ನೆಪ ಮಾತ್ರಕ್ಕೆ ಮೂರು ನೋಟಿಸನ್ನು ಕೊಡಲಾಗಿ, ಅಲ್ಲಿಂದ ಮುಂದೆ ನಿಮ್ಮ ಇಲಾಖೆಯಿಂದ ಆ ಆಸ್ತಿಯ ಮೇಲೆ ಇಲ್ಲಿಯವರೆಗೂ ಯಾವುದೇ ಕ್ರಮ ಕೈಗೊಳ್ಳದೇ ಇರುವುದರಿಂದ ಮಸ್ಕಿ ನಾಗರಿಕರಾದ ನಾವು 27-01-2025 ಸೋಮವಾರದಂದು ಬೆಳಿಗ್ಗೆ ಕಾರ್ಯಾಲಯದ ಸಮಯದಲ್ಲಿ ಮಸ್ಕಿ ನಾಗರಿಕರು ಪುರಸಭೆ ಆವರಣದಲ್ಲಿ ಧರಣಿ ಮಾಡುವುದಾಗಿ ನಿರ್ಧರಿಸಿದ್ದೇವೆ ಎಂದು ಧರಣಿ ಅನುಮತಿ ಕೋರಿದ ಪತ್ರದಲ್ಲಿ ದೂರುದಾರ ಮಹೀಬೂಬ್ ಹಣಿಗಿ ಪುರಸಭೆ,ತಹಶೀಲ್ದಾರರ,ಪೋಲಿಸ್ ಠಾಣಾ ಕಚೇರಿಗೆ ನೀಡಿದ ಮನವಿ ಪತ್ರದಲ್ಲಿ ತಿಳಿಸಿದ್ದಾರೆ.
ಕಾಮೆಂಟ್ಗಳು
ಕಾಮೆಂಟ್ ಪೋಸ್ಟ್ ಮಾಡಿ