ಬಿಸಿಎಂ ಹಾಸ್ಟೆಲ್ ವಿದ್ಯಾರ್ಥಿಗಳ ಆರೋಗ್ಯ ತಪಾಸಣೆ

 

ಮಸ್ಕಿ : ತಾಲೂಕಿನ ಡಿ. ದೇವರಾಜು ಅರಸು ಮೆಟ್ರಿಕ್ ಪೂರ್ವ ಬಿಸಿಎಂ ವಸತಿ ನಿಲಯ ಮೆದಿಕಿನಾಳದಲ್ಲಿ ಪ್ರಾಥಮಿಕ ಆರೋಗ್ಯ ಕೇಂದ್ರ ಮೆದಿಕಿನಾಳ ಇವರ ನೇತೃತ್ವದಲ್ಲಿ ವಿದ್ಯಾರ್ಥಿಗಳ ಆರೋಗ್ಯ ತಪಾಸಣೆಯನ್ನು ಮಾಡಲಾಯಿತು.

ನಂತರ ಮಾತನಾಡಿದ ವಿದ್ಯಾರ್ಥಿಗಳಿಗೆ ಮಲೇರಿಯಾ, ಡೆಂಗ್ಯೂ ಲೆಪ್ರೋಸಿ, ಕ್ಷಯ ರೋಗ ಹಾಗೂ ಎಲ್ಲಾ ರಾಷ್ಟ್ರೀಯ ಕಾರ್ಯಕ್ರಮಗಳ ಮಾಹಿತಿ ನೀಡಿ ಡೆಂಗ್ಯೂ ಸೊಳ್ಳೆ ಪರಿಸರ ಸ್ವಚ್ಛತೆ ಘನ ತ್ಯಾಜ್ಯ ವಸ್ತುಗಳ ವಿಲೇವಾರಿ ಸೊಳ್ಳೆ ಕಡಿತದಿಂದ ರಕ್ಷಣಾ ವಿಧಾನ ಅನುಸರಣೆ ಮಳೆಗಾಲ ಆರಂಭವಾಗಿರುವುದರಿಂದ ಹಾಸ್ಟೆಲ್ ಸುತ್ತ ನೀರು ನಿಲ್ಲದಂತೆ ನೋಡಿಕೊಳ್ಳಿ ಸೊಳ್ಳೆ ಉತ್ಪತ್ತಿ ತಾಣವನ್ನು ನಿರ್ಮೂಲನೆ ಮಾಡಿ ಎಂದು ಡಾಕ್ಟರ್ ಮಹೇಂದ್ರ ಗೌಡ ಮಾಹಿತಿ ನೀಡಿದರು.

ಇದೇ ಸಂದರ್ಭದಲ್ಲಿ ಉದಯ್ ಕುಮಾರ ನಿಲಯಪಾಲಕರು ಬಿಸಿಎಂ ಹಾಸ್ಟೆಲ್ ಮೆದಿಕಿನಾಳ,ಬಸವರಾಜ ಅರೋಗ್ಯ ನಿರೀಕ್ಷಣಾ ಅಧಿಕಾರಿ ಸೇರಿದಂತೆ ವಿದ್ಯಾರ್ಥಿಗಳು ಇದ್ದರು.