ಪಿತಾಮಹ ಅಂಕಣ

ಇವರಿಂದ -


 ಭಾವದಂಗಳ - 16

ಅರ್ಧ ಸತ್ಯ 

ಕೆಲವೊಂದು ಮಾತುಗಳೇ ಹಾಗೆ ಹೇಳಿದರೆ ನೋವು,ಹೇಳದೆ ಇದ್ದರೆ ಸಂಕಟ.ಎಷ್ಟೋ ಬಾರಿ ಏನೋ ಹೇಳಬೇಕು ಎಂದು ಬಾಯ್ತೆರೆಯುತ್ತೇವೆ,ಆದರೆ ಕೊನೆವರೆಗೂ ಹೇಳಲಾಗದೇ ಕೊರೆಯುತ್ತಿರುವ ವಿಚಾರವನ್ನು ಮನಸ್ಸಿನೊಳಗೆ ಇಂಗಿಸಿ ಬಿಡುತ್ತೇವೆ.ಏನನ್ನು ಹೇಳಬೇಕು ಎನ್ನುವುದು ವಿವೇಚನೆ,ಎಷ್ಟು ಹೇಳಬೇಕು ಎನ್ನುವುದು ಬುದ್ಧಿವಂತಿಕೆ. ಯಾವಾಗ, ಏನನ್ನು,ಹೇಗೆ, ,ಎಷ್ಟು ಹೇಳಬೇಕು ಎನ್ನುವುದನ್ನು ನಿರ್ಧರಿಸುವವರು ನಾವೇ. ಆದರೆ ನಮ್ಮನ್ನು ನಾವು ಕಾಪಾಡಿ ಕೊಳ್ಳಲು,ನಮ್ಮ ತಪ್ಪುಗಳನ್ನು ಮರೆಯಾಗಿಸಲು ಪೂರ್ಣ ಸತ್ಯವನ್ನು ಹೇಳದೆ ತೊಳಲಾಡುತ್ತೇವೆ.ಆ ಸತ್ಯ ತನ್ನಲ್ಲೇ ಸಮಾಧಿಯಾಗಲಿ ಎಂದು ಬಯಸುತ್ತೇವೆ.ಈ ಯಾಂತ್ರಿಕ ಯುಗದಲ್ಲಿ ಕ್ಷಣಮಾತ್ರದಲ್ಲಿ ಒಂದು ಬೆರಳಿನ ಸ್ಪರ್ಶದಿಂದ ಎಷ್ಟೋ ಕಾಲ ಜೊತೆಯಾಗಿ ಕಳೆದ ಸಾವಿರಾರು ನೆನಪುಗಳನ್ನು ಅಳಿಸಿ ಹಾಕಬಹುದು.ಆದರೆ ಬದುಕಿನುದ್ದಕ್ಕೂ ಒಂದಷ್ಟು ಹೇಳದೇ ಉಳಿದ ಮಾತುಗಳನ್ನು,ಹೃದಯದಲ್ಲಿ ಅಚ್ಚಾದ ಕ್ಷಣಗಳನ್ನು ಎಂದಿಗೂ ಅಳಿಸಲಾಗದು.ನಮ್ಮ ಬದುಕಿನ ಪುಸ್ತಕದಲ್ಲಿ ಅದೆಷ್ಟೋ ಅರ್ಥವಾಗದ ಪುಟಗಳಿರುತ್ತವೆ.ಎಷ್ಟೇ ಅರ್ಥೈಸಿಕೊಂಡರೂ ಅರ್ಥವಾಗದೆ ಕೊನೆಗೆ ಬದುಕು ನಿರರ್ಥಕವೆನಿಸುತ್ತದೆ.ಅರ್ಥವಾಗದ, ಅರ್ಥೈಸಲು ಆಗದ ಮೂಕ ಭಾವ ನಮ್ಮೊಳಗಿನ ಸುಪ್ತ ಪ್ರಜ್ಞೆಯನ್ನು ಕಾಡುತ್ತದೆ.ಬದುಕಲ್ಲಿ ನಮ್ಮೊಳಗೆ ಹುದುಗಿ ಹೋದ ಸತ್ಯ ಕಣ್ಮುಂದೆ ಬಂದಾಗ ಮನಸ್ಸೆಂಬ ಕಡಲಲ್ಲಿ ಪುಟಿದೇಳುವ ಅಲೆಗಳು ಬಿರುಗಾಳಿಯನ್ನೇ ಸೃಷ್ಟಿಸುತ್ತದೆ. ಹೃದಯದ ಚಿಪ್ಪೊಳಗೆ ಸಮಾಧಿಯಾದ ನವಿರಾದ ನಗುವೊಂದು ಹಾಗೇ ಕಣ್ಮುಂದೆ ಬಂದು ಮರೆಯಾಗುತ್ತದೆ.ಅದೆಂದೋ ಬಿಚ್ಚಿಟ್ಟ ಖುಷಿಯೊಂದು ನಮ್ಮೊಳಗೆ ಇಣುಕಿ ಕಂಡೂ ಕಾಣದಂತೆ ಅದೃಶ್ಯವಾಗುತ್ತದೆ.ಬಿಚ್ಚಿಟ್ಟ ಖುಷಿಗಿಂತ ಮುಚ್ಚಿಟ್ಟ ನೋವೆ ಇನ್ನಿಲ್ಲದಂತೆ ಕಾಡುತ್ತದೆ.ಇಟ್ಟ ನಂಬಿಕೆ ,ಕೊಟ್ಟ ಭರವಸೆ ಎಲ್ಲವೂ ಒಂದರ ಹಿಂದೆ ಒಂದು ನೆನಪಿನಂಗಳದಲ್ಲಿ ಹೆಜ್ಜೆ ಹಾಕುತ್ತದೆ. 

*ಸತ್ಯದಲ್ಲಿ ಅಡಗಿರುವ ಮಿಥ್ಯೆ* 

ಜೀವನದಲ್ಲಿ ಒಂದಲ್ಲ ಒಂದು ಬಾರಿ ಎಲ್ಲರೂ ಸುಳ್ಳು ಹೇಳಿಯೇ ಇರುತ್ತೇವೆ.ನಾವೇಕೆ ಸುಳ್ಳು ಹೇಳುತ್ತೇವೆ? ಈ ಪ್ರಶ್ನೆಗೆ ಉತ್ತರ ಎಲ್ಲಿಯೂ ಹುಡುಕಬೇಕಿಲ್ಲ. ಏಕೆಂದರೆ ಉತ್ತರ ನಮ್ಮಲ್ಲೇ ಇದೆ.ನಮ್ಮ ತಪ್ಪುಗಳನ್ನು ಮುಚ್ಚಿಹಾಕಲು,ವಾಸ್ತವದ ಬದುಕನ್ನು ಅಪ್ಪಿಕೊಳ್ಳಲು,ಸ್ವಯಂ ರಕ್ಷಣೆಗಾಗಿ, ಶಿಕ್ಷೆ,ಮುಜುಗರವನ್ನು ತಪ್ಪಿಸಲು ನಾವು ಸುಳ್ಳಿನ ಹಾದಿಯನ್ನು ತುಳಿಯುತ್ತೇವೆ.ನಮ್ಮ ಜೀವನದ ಪೂರ್ಣ ರಹಸ್ಯ ತಿಳಿದಿರುವುದು ಸ್ವತಃ ನಮಗೆ ಮಾತ್ರ ಅನ್ನುವುದೇ ನಿತ್ಯ ಸತ್ಯ.ನಮ್ಮ ಪ್ರೇಮಕತೆಗಳು,ಜೀವನದ ರಹಸ್ಯಗಳು,ತೆರೆದಿಡಲಾರದ ಗುಟ್ಟುಗಳನ್ನು ಮುಚ್ಚಿಟ್ಟು ನಮ್ಮ ಬದುಕು ತೆರೆದ ಪುಸ್ತಕ ಎನ್ನುವಂತೆ ಬದುಕುತ್ತೇವೆ.

*ಪ್ರಾಮಾಣಿಕತೆ ಎನ್ನುವ ಕಟ್ಟು ಕಥೆ*

ನಾವು ಜೀವನದಲ್ಲಿ ಪ್ರತಿಶತ 100 ರಷ್ಟು ಪ್ರಾಮಾಣಿಕ ವಾಗಿ ಇರಲು ಸಾಧ್ಯವಿಲ್ಲ. ತಾನು ಪ್ರಾಮಾಣಿಕ ಎನ್ನುವವರಾರೂ ಈ ಜಗತ್ತಿನಲ್ಲಿ ಇರಲು ಸಾಧ್ಯವೇ ಇಲ್ಲ.ವಿವಾಹ ಪೂರ್ವ ಪ್ರೇಮ ಕಥೆಗಳು,ಹೃದಯದಲ್ಲಿ ಅಚ್ಚಾದ ಅಳಿಸಲಾರದ ನವಿರು ಸ್ಪರ್ಶಗಳು,ಜೀವನದಲ್ಲಿ ಇಟ್ಟ ತಪ್ಪು ಹೆಜ್ಜೆಗಳು ಆಗಾಗ ಕಣ್ಣಾಮುಚ್ಚಾಲೆ ಆಡುತ್ತಿರುತ್ತದೆ. ಬದುಕಿನ ಒಳಪುಟ ತೆರೆದಾಗ ಹೊರಪುಟವೊಂದು ಸದ್ದಿಲ್ಲದೇ ಮೌನಕ್ಕೆ ಜಾರುವುದು ಅರಿವಾಗುವುದೇ ಇಲ್ಲ.ಹಳೆಯ ನೆನಪುಗಳು ಕಣ್ಣೆದುರು ಬಂದಾಗ ಇರುಳು ಕಳೆಯುವುದು ಕಷ್ಟವಾಗುತ್ತದೆ.ಚಂಚಲವಾದ ಜೀವಕ್ಕೆ ಹಗಲು ಕಳೆದಷ್ಟು ರಾತ್ರಿ ಕಳೆಯಲು ಸಾಧ್ಯವಿಲ್ಲ.ರಾತ್ರಿಯ ಪ್ರತಿ ಕ್ಷಣವೂ ಸಾವಿರ ಸಾವಿರ ಚಿಂತೆಯನ್ನು ಹುಟ್ಟಿಸಿ, ಬದುಕಿದ್ದಾಗಲೇ ಉಸಿರು ಗಟ್ಟಿಸುತ್ತದೆ. ಅಪರಾಧಿ ಭಾವ ಕಾಡಿದರೂ ನಾವು ಪ್ರಾಮಾಣಿಕರು ಎನ್ನುವ ಮುಖವಾಡ ತೊಡಲು ಮಾತ್ರ ಎಂದಿಗೂ ಮರೆಯುವುದಿಲ್ಲ.

*ತಿರುವು ಹೊಸ ಅರಿವಿನ ಆರಂಭ*

ತಪ್ಪುಗಳಿಂದಲೇ ಬದುಕಿನ ಪಾಠ ಕಲಿಯುವ ನಾವು ಇತರರ ತಪ್ಪುಗಳಿಂದಲೂ ಪಾಠ ಕಲಿಯಬಹುದು.ಎಲ್ಲಾ ತಪ್ಪುಗಳನ್ನು ನಾವೇ ಮಾಡಿ ತಿದ್ದಿಕೊಳ್ಳುವಷ್ಟು ಸುದೀರ್ಘವಾಗಿಲ್ಲ ಈ ಜೀವನ. ಯಾವುದೋ ಕಾಲದಲ್ಲಿ ನಮ್ಮಿಂದ ಗೊತ್ತಿದ್ದೋ,ಗೊತ್ತಿಲ್ಲದೆಯೋ ಆದ ತಪ್ಪಿನ ಬಗ್ಗೆ ಮರುಗಿ ಕೊರಗ ಬೇಕಾಗಿಲ್ಲ.ಅಪಕ್ವ ಮನಸ್ಥಿತಿಯಲ್ಲಿ ಘಟಿಸಿದ ಭೂತಕಾಲದ ವಿಚಾರಗಳು ನಮ್ಮ ಭವಿಷ್ಯಕ್ಕೆ ಮುಳುವಾಗಬಾರದು.

ನಮ್ಮ ಜೀವನದ ರಹಸ್ಯಗಳನ್ನು ಕಾಪಾಡಿ ಕೊಳ್ಳುವುದರಿಂದ ಬದುಕು ಸುಂದರವಾಗುವುದು ಎನ್ನುವುದಾದರೆ ಆ ಗುಟ್ಟು ಗುಟ್ಟಾಗಿಯೇ ಇರಲಿ. ಅರೆ ಕೊಳೆತ ಹಣ್ಣಲ್ಲಿ ಕಳಿತ ಭಾಗವನ್ನು ಕತ್ತರಿಸಿ ಚೆನ್ನಾಗಿರುವ ಭಾಗವನ್ನು ಬಳಸುವುದಿಲ್ಲವೇ? ಹಾಗೆಯೇ ಹಳೆಯ ಕೆಟ್ಟ ನೆನಪುಗಳನ್ನು ಕತ್ತರಿಸಿ ಹಾಕಿ ಸುಂದರವಾದದ್ದನ್ನು ಉಳಿಸಿಕೊಂಡು,ಬೆಳೆಸಿಕೊಂಡು ಬದುಕನ್ನು ಮುನ್ನಡೆಸಬೇಕು.ಬದುಕಿನ ಸತ್ಯವನ್ನು ಕೆದಕಿ ಮಾಗಿದ ಗಾಯವನ್ನು ಮತ್ತೆ ಚಿಗುರಿಸಿ ಸಾಧಿಸುವುದಾದರೂ ಏನಿದೆ? ವರ್ತಮಾನದಲ್ಲಿ ಜೀವಿಸಲು ಕಲಿಯೋಣ ಅಲ್ಲವೇ?

✍️✍️✍️✍️

ಪ್ರಜ್ವಲಾ ಶೆಣೈ

*ಕಾರ್ಕಳ*

ಕಾಮೆಂಟ್‌ಗಳು

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

ಐತಿಹಾಸಿಕ ಚರಿತ್ರೆಯ ಚಿರಿಬಿ ಮೂಗಬಸವೇಶ್ವರ ಸ್ವಾಮಿ ದೇವಸ್ಥಾನ ಚಿರಿಬಿಗೆ ಸೇರಿದ್ದು!

ಇವರಿಂದ -
ಇಮೇಜ್
  ಕೊಟ್ಟೂರು :ಹದಿನೇಳು ವರ್ಷಗಳ ನಂತರ ಚಿರಿಬಿ ಮೂಗಬಸವೇಶ್ವರ ಸ್ವಾಮಿಯ ರಥೋತ್ಸವ ನಡೆಯುವುದೋ ಇಲ್ಲವೋ ಎಂಬ ಅನುಮಾನ ಸಾರ್ವಜನಿಕರಲ್ಲಿ ಮೂಡಿದೆ. ಜಾತ್ರೆಯ ಪ್ರಯುಕ್ತ ಚಿರಿಬಿ ಗ್ರಾಮಸ್ಥರ ಸಭೆಯನ್ನು ಆಂಜನೇಯ ಸ್ವಾಮಿ ದೇವಸ್ಥಾನದಲ್ಲಿ ಸಹಾಯಕ ಆಯುಕ್ತರ ಅಧ್ಯಕ್ಷತೆಯಲ್ಲಿ ಕರೆಯಲಾಗಿತ್ತು. ಈ ಸಭೆಯಲ್ಲಿ ಚಿರಿಬಿ ಗ್ರಾಮಸ್ಥರು ಹಾಜರಾಗಿ, ಮೂಗಬಸವೇಶ್ವರ ದೇವಸ್ಥಾನವು ಚಿರಿಬಿ ಗ್ರಾಮಕ್ಕೆ ಸೇರಿದ್ದೆಂದು ಇತಿಹಾಸದ ದಾಖಲೆಗಳನ್ನು ಮತ್ತು ಜರ್ಮಲಿಯ ಪಾಳೆಗಾರರಾದ ಇಮ್ಮಡಿ ಸಿದ್ದಪ್ಪನಾಯಕ ಈ ದೇವಸ್ಥಾನಕ್ಕೆ ಭೂ ದಾನ ನೀಡಿ, ಮೂಗಬಸವೇಶ್ವರ ಸ್ವಾಮಿ ದೇವಸ್ಥಾನಕ್ಕೆ ಕಾರಣಕರ್ತರಾಗಿದ್ದಾರೆ.  ಆಗ ಕಂದಾಯ ಜಮೀನು ರಾಂಪುರ ಎಂದು ಇದ್ದುದ್ದಕ್ಕೆ ಅದನ್ನು ಚಿರಿಬಿ ಮೂಗಬಸವೇಶ್ವರ ಸ್ವಾಮಿ ದೇವಸ್ಥಾನ, ರಾಂಪುರ ಎಂದು ಕರೆಯುತ್ತಿರುವುದಕ್ಕೆ ನಮ್ಮ ತಕರಾರಿದೆ. ಅಲ್ಲದೆ ರಥೋತ್ಸವದ ಬ್ಯಾನರ್‌ಗಳಲ್ಲಿಯೂ ಸಹ ಚಿರಿಬಿ ಮೂಗಬಸವೇಶ್ವರ ಸ್ವಾಮಿ ದೇವಸ್ಥಾನ, ರಾಂಪುರ ಎಂದು ಹಾಕಿರುವುದಕ್ಕಷ್ಟೇ ನಮ್ಮ ತಕರಾರು ಎಂದರು. ಈ ಬಗ್ಗೆ ದೇವಸ್ಥಾನದ ಕಾರ್ಯನಿರ್ವಾಹಕ ಅಧಿಕಾರಿಗಳನ್ನು ವಿಚಾರಿಸಿದರೆ, ಡಿ.ಸಿ.ಯವರನ್ನು ಕೇಳಿ, ಎ.ಸಿ.ಯವರನ್ನು ಕೇಳಿ ಎಂಬ ಉಡಾಫೆಯ ಮಾತುಗಳನ್ನು ಚಿರಿಬಿ ಗ್ರಾಮದ ಮುಖಂಡರಿಗೆ ಹೇಳಿದ್ದು, ಈ ಸಭೆ ನಡೆಯಲು ಕಾರಣಕರ್ತರಾಗಿದ್ದಾರೆ ಎಂದರು. ಎರಡು ಗ್ರಾಮಗಳ ಈ ಗೊಂದಲಕ್ಕೆ ಧಾರ್ಮಿಕ ದತ್ತಿ ಇಲಾಖೆಯ ಇ.ಒ. ಹನುಮಂತಪ್ಪರವರೇ ಕಾರಣ ಎಂದರು. ...
Read more »

" ಕೆಲಸದ ವೇಳೆ ಅಸಡ್ಯ ತೋರುತ್ತಿರುವ ಸಿಬ್ಬಂದಿ ಕಿರಣ್ ಕುಮಾರ್ ಕ್ರಮವಹಿಸುವಂತೆ ಆಗ್ರಹ"

ಇವರಿಂದ -
ಇಮೇಜ್
ಕೊಟ್ಟೂರು : ಪಟ್ಟಣದ ಸಮುದಾಯ ಆರೋಗ್ಯ ಕೇಂದ್ರಕ್ಕೆ ನೂರಾರು ಬಡ ರೋಗಿಗಳು ತಮ್ಮ ಆರೋಗ್ಯವನ್ನು ತೋರಿಸಿಕೊಳ್ಳಲು ಪ್ರತಿನಿತ್ಯ ಸಮುದಾಯ ಆರೋಗ್ಯ ಕೇಂದ್ರಕ್ಕೆ ಬರುತ್ತಾರೆ. ಆಸ್ಪತ್ರೆಯಲ್ಲಿ ಇರುವ ಸಿಬ್ಬಂದಿ ಕಿರಣ್ ಕುಮಾರ್ ರೋಗಿಗಳ ಮೇಲೆ ಗದರಿಸುವುದು ಬೈಯುವುದು ಮತ್ತು ತುರ್ತು ಸಂದರ್ಭದಲ್ಲಿ ಆಸ್ಪತ್ರೆಗೆ ಬಂದರೆ ಯಾವುದೇ ರೀತಿ ಸ್ಪಂದಿಸುವುದಿಲ್ಲ ಎಂದು ಸಾರ್ವಜನಿಕರು ಆತರ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದರು. ಭಾನುವಾರದಂದು ಒಬ್ಬ ರೋಗಿಯು ತಮ್ಮ ಆರೋಗ್ಯ ತೋರಿಸಿಕೊಳ್ಳಲು ಆಸ್ಪತ್ರೆಗೆ ಬರುತ್ತಾರೆ ವೈದ್ಯರು ಬಿಪಿಯನ್ನು ಚೆಕ್ ಮಾಡಿಸುವಂತೆ ಹೇಳುತ್ತಾರೆ ಡಿಪಿ ಚೆಕ್ ಮಾಡಿಸಿಕೊಳ್ಳಲು ಸಿಬ್ಬಂದಿ ಕಿರಣ್ ಕುಮಾರ್ ಬಳಿ ಬಂದರೆ ನಾನು ಬಿಪಿ ಚೆಕ್ ಮಾಡುವುದಿಲ್ಲ ಯಾರಿಗೆ ಬೇಕಾದರೂ ಹೇಳಿ ನಾನು ಬಿಪಿ ಚೆಕ್ ಮಾಡುವುದಿಲ್ಲ ಎಂದು ಅಸಡ್ಯ ಉತ್ತರವನ್ನು ನೀಡುವುದಲ್ಲದೆ ಯಾವ ಅಧಿಕಾರಿಗಳಿಗಾದರೂ ಫೋನ್ ಮಾಡಿ ನಾನು ಮಾಡುವುದಿಲ್ಲ ಎಂದು ಹೇಳುತ್ತಾರೆ. ಸಿಬ್ಬಂದಿ ಕಿರಣ್ ಕುಮಾರ್ ಅವರ ವರ್ತನೆ ನೋಡಿ ನೋಡಿ ಸಾರ್ವಜನಿಕರು ಹಾಗೂ ರೋಗಿಗಳು ಅರೆ ಹುಚ್ಚನಂತೆ ಮಾತನಾಡುತ್ತಿದ್ದಾರೆ ಎಂದು ಕೂಡಲೇ ಮೇಲಾಧಿಕಾರಿಗಳು ಈತನ ಮೇಲೆ ಸೂಕ್ತ ಕ್ರಮ ಕೈಗೊಳ್ಳಬೇಕೆಂದು ಅಖಿಲ ಭಾರತ ದಲಿತ ಹಕ್ಕುಗಳ ಆಂದೋಲನ ಮತ್ತು ಡಿಎಸ್ಎಸ್ ಸಂಘಟನೆಗಳು ಆಗ್ರಿಸಿದರು. ಕೋಟ್ -1  ಕಿರಣ್ ಕುಮಾರ್ ರವರು ಅನಾರೋಗ್ಯ ರೋಗಿಗಳ ಮೇಲೆ ಗದರಿ...
Read more »

*🪔ನಿಧನ ವಾರ್ತೆ : ತಳವಾರ ದುರುಗಪ್ಪ -ನಿಧನ 🪔*

ಇವರಿಂದ -
ಇಮೇಜ್
ವಿಜಯನಗರ ಜಿಲ್ಲೆ ಕೂಡ್ಲಿಗಿ : ಪಟ್ಟಣದ ಡಾ. ಬಿ ಆರ್ ಅಂಬೇಡ್ಕರ ನಗರ 14ನೇ ವಾರ್ಡಿನಲ್ಲಿ ತಳವಾರ ದುರುಗಪ್ಪ ಇವರು ವಾಸವಿದ್ದು (60), ಇಂದು (ಆಗಸ್ಟ್ 19) ಬೆಳಿಗಿನ ಜಾವಾ 5.40ಗಂಟೆಗೆ ಅನಾರೋಗ್ಯ ನಿಮಿತ ಹೊಸಪೇಟೆಯ ಸಾರ್ವಜನಿಕ ಆಸ್ಪತ್ರೆಯಲ್ಲಿ ನಿಧನರಾಗಿದ್ದಾರೆ. ಇವರು ಕೆಲವೇ ದಿನಗಳಲ್ಲಿ ಅನಾರೋಗ್ಯ ದಿಂದ ಬಳಲುತ್ತಿದ್ದು ಚಿಕಿಸ್ಥೆ ಫಲಕರಿಯಾಗದೆ ನಿಧನ ಹೊಂದಿದ್ದಾರೆ, ಮೃತರು ಇವರ ಕುಟುಂಬದಲ್ಲಿ 3 ಜನ ಗಂಡು ಹಾಗೂ 3 ಹೆಣ್ಣುಮಕ್ಕಳು ಇದ್ದು ಮೃತ ತಳವಾರ ದುರುಗಪ್ಪನಿಗೆ ಹಾಗೂ ಮೊಮ್ಮಕ್ಕಳಿದ್ದು ತುಂಬು ಕುಟುಂಬವನ್ನು , ಹೊಂದಿದವರಾಗಿದ್ದರು. *ಅಂತ್ಯಕ್ರಿಯೆ*-ಆಗಸ್ಟ್ 19 ರಂದು ಮದ್ಯಾಹ್ನ 1.30 ಗಂಟೆಗೆ , ಪಟ್ಟಣದ 16 ನೇ ವಾರ್ಡಿನ ರಾಜೀವ್ ಗಾಂಧಿ ನಗರ ಪಕ್ಕದಲ್ಲಿ ಬರುವ ರುದ್ರಭೂಮಿಯಲ್ಲಿ ಅಂತ್ಯಕ್ರಿಯೆ ನೆರವೇರಿಸಲಾಗುವುದು. *ಸಂತಾಪ*- ತಂಗಿಯರು ತಮ್ಮ ಹಾಗೂ ಅಣ್ಣಂದಿರು ಹಾಗೂ ಅಪಾರ ಕುಟುಂಬ ಬಂಧು ಬಳಗದವರು ಹಾಗೂ ಡಾ. ಬಿ. ಆರ್. ಅಂಬೇಡ್ಕರ್ ನಗರದ ಹಿರಿಯರು ಅಗಲಿಕೆಯಿಂದಾಗಿ , ಅವರ ಕುಟುಂಬದಲ್ಲಿ ದುಖಃ ಮಡುವುಗಟ್ಟಿದೆ ಸೂಚಕದ ಛಾಯೆ ಆವರಿಸಿದೆ. ಸಮಸ್ತ ಬಂಧುಗಳು , ದುಖಃತಪ್ತರಾಗಿದ್ದಾರೆ. ಮಾದಿಗ ಸಮುದಾಯದವರು ಸೇರಿದಂತೆ. ವಿವಿದ ಸಮುದಾಯದವರು. ಕೂಡ್ಲಿಗಿ ಅಂಬೇಡ್ಕರ ನಗರ ಸಮಸ್ತ ಗ್ರಾಮಸ್ಥರು. ಕ್ಷೇತ್ರದ ಶಾಸಕರಾದ ಡಾ ॥ ಎನ್ ಟಿ ಶ್ರೀನಿವಾಸ್ ರವರು. ಕೂಡ್ಲಿಗಿ ಪಟ್ಟಣ ಪಂಚಾಯ್ತಿ ಅಧ್ಯಕ್ಷರು ಸರ್ವ ಸದಸ್ಯರು...
Read more »